Марий колумбиада - ИЛЕТ ГЫН, УЖАТ

 
Марий колумбиада - Илет гын, ужат. Эрыкан роман.
 
Марий колумбиада - Илет гын, ужат. Эрыкан роман.
Илет гын, ужат. Икымше книга
ГАЛЮТИН Ю.И. (Ялзак). Марий колумбиада. Эрыкан роман. Илет гын, ужат. Икымше книга. – Йошкар-Ола.
Сӱанже деч вара кок арням пырля илен шуктышо Ольга марийжым армийыш ужата. Шке ялысе Купсола школ гыч пошкудо-шамычын шыгыремден лукмылан кӧра Советский районысо Кугу Ашламаш школышто туныкта, индеш тылзаш эргыжым шыде пачер озажлан ончаш кода. Тудыжат кӱнчыла шӱдыраш гына лектын кая. Плокан ончымылан аза шукертак ырлыган, коклюш дене орлана. Школышто туныктен, тулеч вара эше кок погынымашым вӱдышӧ ава йӱдым веле пӧртылеш. Колен шушо азам пӱтыралын, оҥешыже лакемден, чатлама йӱштыштӧ кудло уштышым йолын Купсолашкыже кая-куржеш. Миен шуын, аваж да Осыпкува дене пырля ты колен шушо чонаным кинде кольмеш пидын, коҥга тулыш кум гана почела чыкен луктыт, осалже да черже деч «эрыктат». Тыгай озыркан дене тӱҥалеш тиде книга. Могай пӱрымаш вучен падырашым, умбакыже пален налыда.
Пӱтынекше «Марий колумбиада» роман кодшо курымын витле ийлаж гыч тӱҥалын, поэт, писатель, драматург да искусство пашаеҥ-шамычын, Валентин Колумб йыр чумыргышо тукымын, тыглай огыл илыш корныштым ронча. «Чын деч молым – нимом», тыгай шке пунчалмутшым автор чакныде шуктен толеш.
Сылнын возалтмыжлан, роман Финляндийысе Кастрен обществын 2005 ийысе литератур премийжым налын.
© Галютин Ю.И. (Ялзак). 2007


ШеҥгекШеҥгекКӱшкӧКӱшкӧ 


Hosted by uCoz